Skip to main content

ප්‍රවේශ පත්‍රයට රුපියල් 3,000ක්? 'සුසර' පිටුපස ඇති කටුක යථාර්ථය සහ SDS එකේ කෙරුවාව!

 


පාසල් රංග මණ්ඩපයේ ප්‍රවේශ පත්‍රයට රුපියල් 3,000ක්? 'සුසර' පිටුපස ඇති කටුක යථාර්ථය සහ SDS එකේ කෙරුවාව!

අද නවරංගහල ගොඩනැගිල්ල තුළ හඬනගන්නට පෙළගැසී සිටින්නේ අපේම දරුවන්ගේ අහිංසක සංගීත ස්වරයි. ඒ 'සුසර' ප්‍රසංගය වෙනුවෙන්. නමුත් ඒ මිහිරි ස්වර පිටුපස දෙමාපියන්ගේ සුසුම් හඬ යටපත් වී ඇති බව ඔබ දන්නවාද?

මෙවර 'සුසර' ප්‍රසංගයේ ප්‍රවේශ පත්‍රයක මිල සටහන් වී ඇත්තේ රුපියල් 3,000ක් ලෙසයි. පාසල් වේදිකාවක පැවැත්වෙන, තමන්ගේම දරුවන් ඉදිරිපත් වන ප්‍රසංගයක් නැරඹීමට දෙමාපිය යුවලකට රුපියල් 6,000ක මුදලක් වෙන් කිරීමට සිදුවීම සුළුපටු කාරණයක්ද?

මේ අධික මිල පිළිබඳව කලකිරුණු දෙමාපියෙකු කළ විමසීමකට සංවිධායක මණ්ඩලයෙන් ලැබී ඇත්තේ පුදුමාකාර පිළිතුරකි: "දැනට SDS එකත් (පාසල් සංවර්ධන සමිතිය) යන්නේ හරිම අමාරු කාලයක..."

නමුත් ඇත්තටම අමාරු SDS එකටද, නැතහොත් දූෂණය සහ මූල්‍ය වංචා වසාගැනීමට දෙමාපියන්ගේ පපුවට බර පටවන සංවිධායකයන්ටද? SDS එක යනු අද වන විට දූෂණයෙන් සහ අක්‍රමිකතාවලින් පිරී ඉතිරී ගිය තැනක් බව ප්‍රසිද්ධ රහසකි. සංවර්ධන සමිතියේ ඒ අසීමිත මූල්‍ය වංචා සහ ගිණුම්වල ඇති අක්‍රමිකතා වසාගැනීමට, තමන්ගේ දරුවාගේ දක්ෂතාව දකින්නට පෙරුම් පුරන අහිංසක දෙමාපියන් පළිග්‍රහණය කරන්නේ ඇයි?

තවත් අතකින්, අසීරුවෙන් රුපියල් 3,000ක් දී ලබාගන්නා ඒ අසුනෙන් ලැබෙන පහසුව කුමක්ද?

  • විදුලි පංකා වැඩ කරන්නේ නැත: ශාලාවේ ඇති පංකා නිසි ලෙස ක්‍රියා නොකරන අතර ලැබෙන සුළු සුළං පාර පවා ලැබෙන්නේ කොටසකට පමණි.
  • කැඩුණු අසුන්: අසුන්ගෙන සිටින ජනතාවට කොන්දේ කැක්කුම් සාදා දෙන මට්ටමට ආසන කැඩී බිඳී ගොස් ඇත.

සුඛෝපභෝගී, වායුසමනය කළ, සපපහසු අසුන් සහිත නවීන ශාලාවකට අය කරන ගාස්තුව මෙවැනි අබලන් ශාලාවකට අය කරන්නේ SDS එකේ මූල්‍ය හිඩැස් පියවා ගැනීමටද?

ආර්ථික අර්බුදයෙන් බැටකන සාමාන්‍ය දෙමාපියන්ට රුපියල් 6,000ක් යනු ලොකු මුදලකි. මේ හේතුව නිසාම, දරුවන්ගේ මෙම විශේෂ මොහොත නැරඹීමට අම්මා සහ තාත්තා යන දෙදෙනාගෙන් එක් අයෙකුට පමණක් සහභාගී වීමට සිදුවූ අවාසනාවන්ත පුවත්ද අප වෙත වාර්තා වේ.

කලාව සහ දරුවන්ගේ දක්ෂතා වෙළඳ භාණ්ඩයක් කරගත්, SDS එකේ දූෂණ වසාගන්නට දෙමාපියන් හූරාගෙන කන මෙවැනි සංවිධායකත්වයන් හමුවේ පාසල් පද්ධතිය ගමන් කරන්නේ කොතැනටද? දූෂිත පාලනයක් වෙනුවෙන් දෙමාපියන්ගේ ආදරය මත මිල ටැග් ඇලවීම වහා නතර විය යුතු නැද්ද?

Comments

Post a Comment

Most Popular Posts

Royal College Principal’s WhatsApp Message Sparks Outrage Over English Standards

  ROYAL EMPOWERMENT OR ENGLISH DISASTER? PRINCIPAL’S SHOCKING WHATSAPP MESSAGE LEAVES PARENTS AND STUDENTS STUNNED! Is this really the standard of English we expect from the helm of Sri Lanka’s premier educational institution? A screenshot of a WhatsApp message allegedly sent by the Principal of Royal College; Athula Wijewardane has sent shockwaves through the school community, raising serious questions about the appointments being approved by the Ministry of Education. The text message, riddled with fundamental spelling errors and glaring grammatical flaws reads: > " Ecording to this ceruler , you must stop every College activity or training program, meeting or anything, including Sports, Club and Society. Don't pressure me to do wrong. Pls, understand we have big responsibility about everyone." >  “Ecording”? “Ceruler”? While the principal attempts to enforce administrative orders, the delivery has left students, teachers, and old boys utterly baffled. At a prest...
Post a Comment
Read more

The Sudden Collapse of Royal College’s Tamil Stream

  THE SHOCKING TRUTH BEHIND ROYAL COLLEGE’S NEW CRISIS: SYSTEMATIC DISCRIMINATION OR TOTAL ADMINISTRATIVE FAILURE? Royal College, Colombo, long regarded as a crown jewel of Sri Lanka’s public education system, is now at the center of a brewing scandal that threatens to shatter its legacy of academic inclusivity. A formal complaint addressed directly to Prime Minister and Minister of Education, Hon. Dr. Harini Amarasuriya, has exposed what affected parents are calling a deliberate attempt to dismantle the school’s historic Tamil-medium stream under the administration of Principal Athula Wijewardene. The allegations detailing unfair admission practices, biased interview procedures, and the sudden physical erasure of classroom spaces present an alarming picture of administrative rot at one of the nation's premier national schools. A Deliberate Plan to Squeeze Out Minority Students? According to detailed documentation submitted by affected parents, the current Advanced Level (A/L) inta...
2 comments
Read more

අතුල විජේවර්ධන මහත්තයට විවෘත හසුනක්!

  අතුල විජේවර්ධන මහත්තයට විවෘත හසුනක්! කතෘ සටහන: හොස්ටල් එකේ පියෙක් එවල තිබුනේ මොනරාගල දිස්ත්‍රික්කයේ දුෂ්කර ගම්මානයකින්. දීර්ඝ ලිපියක්. අපි කෙටි කලා. .  මේ අහිංසක මිනිස්සු ජීවිතය පුරා අනේක විධ දුක් ගැහැට විඳි මිනිස්සු. අපට හිතාගන්ඩ බැරි විජේවර්ධන මහත්තයා වැනි, එවැනිම දුක් විඳපු කෙනෙක් යටතේ ඔවුනට මෙම පීඩනයට ලක්වීමට සිදුවීමයි. එක අතකින් පුදමයකුත් නෙමෙයි. කැලේ ගහක් නැහෙන්නේ කැලේ ගහකින්මලු! හොස්ටල් එකේ නායයෑම ඇරඹුනේ ලමුන් 350ක් නෙමෙයි තමුන් ගේ දරුවන් වත් හරියට බලාගන්ඩ බැරි පියෙක් මෙහි පාලකයා ලෙස ඔබ පත් කල දිනයේ පටන්. හිතක් පපුවක් වෙනුවට යකඩ හදවතක්. ලාබාල දරුවන් වෙනුවට ඔහු දුටුවේ හමුදා පුහුණුවකට පැමිනි සොල්දාදුවන් පිරිසක්. ලමුන් හැදීමට සුදසුම පරිසරය ලෙස ඔහු දුටුවේ වැලිකඩ බන්ධනාගාරයයි. හිතාගන්ඩ පුළුවනිද රෑට රෑට ඩෝමෙට්‍රි ඉබ්බෝ දාලා වහනවා?  ඔබතුමා ගේ අකලංක විශ්වාසය සහ පූර්ණ ආශීර්වාදය මත සුබ නැකතින් ගුණවර්ධන මහත්තයා වැඩ ඇල්ලුවා! ඉස්සෙල්ලාම යකඩ ගේට්ටුව වැහුනේ ඈත ගම් නියම් ගම්වල ඉඳලා පැය ගනන් දුර කතර ගෙවා දරුවන් රැගෙන එන දෙමාපියනට. කොටින්ම කියතොත් ඉස්සෙල්ලාම, හා හා පුරා කියලා කිරි...
Post a Comment
Read more