ඉතිහාසයේ පළමු වරට පහසුකම් ගාස්තු වැඩි නොවූ වසරක්

අති විශිෂ්ඨ ජයග්‍රහනයක්

මෙතුවක් කාලෙකට අවුරුද්දක් පාසා Facilities Fees කීයකින් හරි වැඩි වුනා මිසක්, කවදාවක්වත් එකම මුදල අවුරුද්දකට වඩා පැවතුනේ නෑ.

හැබැයි මේ අවුරුද්දේ?

ගිය වසරේ ගානමයි.

මොකදෑ බොලේ ඒ?  Principal ට අමතක වුනාවද්ද?

නෑ, මේවා තමයි අපේ අනවරත අරගලයේ ප්‍රතිපල!

අපි SDS එක ඉලක්ක කරගෙන සන්නද්ධ මෙහෙයුම් දියත් කලේ මාස ගනනක ඉදලා. තමන් භාරයේ තිබී 2016 දී නැතිවූ ලක්ෂ 33, කිසිදු පරීක්ෂණයකින් තොරව 2023 වසරේ කපා හැරීම සම්බන්ධව අපි අල්ලස් කොමිසමට සහ වංචා විමර්ශන කාර්්‍යාංශයට එකවර පැමිණිළි කලා (පරීක්ෂන පැවැත් වේ). 2024 ගිණුම් සම්බන්ධව විගණන දෙපාර්තමේන්තුවට කල පැමිණිල්ලේ ප්‍රතිඵලය දශක ගනනාවකට පසු පූර්ණ විගණන පරීක්ෂනයක් අරඹීමයි.

අපි විදුහල්පති තුමාට, අමාත්‍යාංශයට සහ රටේ ජනතාවට පැහැදිලි පණිවිඩයක් ලබා දුන්නා. රාජකීය ව්ද්‍යාලයේ අහිංසක දෙමාපියන් ගේ දාඩිය මහන්සියෙන් හම්බ කරලා, තම ආදරණීය පුතුන් ගේ සුභ සිද්ධිය පතා ඉත සිතින් පූජා කල මුදල් මාටියා ගහපු යුගය හමාරයි. දැන් එළඹිලා තියෙන්නේ හොරුන් පස්සේ හඹා ගිහින් ඔවුන් නීතියේ රැහැනට අහු කරන හෝරාවයි. හොරුන් මොනුන් වුනත් අපිට කාරි නෑ. අනික ලොකු තරමට හොදයි. හාල්මැස්සෝ, සූඩයො මොකටැයි, තෝරු, මෝරු යහමින් ඉන්න දියඹක?

ඉතින් දයාබර දෙමව්පියෙනි;

දැන්වත් නැගිටින්න. නොබියව ඔබගේ විරෝධය දක්වන්න. ඔබ Facilities Fees ගෙවන මුදල් ඔබ දරුවාගේ අවශ්‍යතා වෙනුවෙන් SDS එකට ලබා දිය නොහැකිනම්, ඒ සෑම අවශ්‍යතා සදහා ඔබ නැවත නැවතත් මුදල් ගෙවිය යතු නම්, Facilities Fees ගෙවන්නේ කවර ඉලව්වකටද?

බලන් හිටියා හොදටෝම ඇති. එක්කෝ Facilities Fees වලින් සියළු අවශ්‍යතා සැපිරිය යුතුයි. නැතිනම් ඒ මුදල අතේ තියන් අවශ්‍යතා සදහා ඔබ වියදම් කල යුතුයි (දැන් කෙරෙන්නෙත් ඒකම නොවෑ).

SAY NO TO DOUBLE TAXATION!

Glory to Royal - Prison to Royal Thieves!