සුභාෂිතය හෙවත් හිතෝපදේශය
(Especially for the RC Community)
Dr Nanda Malini/Prof Sunil Ariyaratna/Visharada Gunadasa Kapuge
බමුණා වුනත් දුදනෙකු නම් බිම හොවනු
සැඩොලා වුනත් සුදනෙකු නම් පුටුව දෙනු
හෙළයා වුනත් ජඩයෙකු නම් පහර දෙනු
දෙමළා වුනත් විරුවෙකු නම් ගරු කරනු
බුදු හිමි ජේසු හිමි නබි හිමි වැඳ පුදනු
දෑගොත් කුල නුදුටු උන් බණ පිළි පදිනු
වැදි බණ මැදින් මුණි බණ තෝරා අසනු
වැදි බණ දෙසන සඟ ඝන උව පිටු දකිනු
සිහසුන ඉන්ට රට දැය පාවා නොදෙනු
පාවා දෙන එවුන් මූනට කෙල ගසනු
කසයෙන් තලා හිස පලඳා කටු ඔටුනූ
ජනයා අභිමුවේ උන් නිරුවත් කරනූ
රජකුගෙ වුවත් වරදට කෑ මොර ගසනු
මොරදෙන මුවෙහි ලන මී පැණි ඉවත ලනු
නිවැරදි කරනු බැරි රජු නෙරපා හරිනු
වරදට කිපෙනු සටනට වැද ජය ලබනු
Comments
Post a Comment