විදුහල්පති විජේවර්ධන මහතාට දැඩි ඉවසීමෙන්

 

හොස්ටල් එකේ ගමෙන් ආපු අහිංසකයින්ට ඔබතුමා ගේ පාලකයා සලකන සහ නොසලකන හැටි මේ වෙනකොට සමාජ මාධ්‍ය හරහා දැනුවත් වෙලා ඇතැයි මම විශ්වාස කරනවා.

මාසෙක නේවාසික ගාස්තු රු 7,500 ගෙවාගන්ඩ බැරිව ලැතවෙන අහිංසකයින් ගෙන් නේවාසිකාගාර පාලකයා රු 13,000 මුදලක් ගොඩනැගිලි පවිත්‍ර කිරීම සඳහා අය කිරීම මම දකින්නේ පාහර, බලු, ජඩ වැඩක් හැටියටයි.

හිතක් පපුවක් ඇති කිසිම කෙනෙකුට කරන්ඩ පුළුවන් වැඩක්ද මේක?

ඔබතුමා කොළඹ හතේ ඉපදුන හැදුන වැඩුන කෙනෙක් නෙමෙයි. ඈත ගමක ඉපදිලා, සෑහෙන කට්ටක් කාලා මෙතෙන්ට ආපු කෙනෙක්. ඇයි තමුන්ගෙම පංතියෙ අයට මේ වාගේ දුර්දාන්ත අන්දමට සලකන්නේ?

මම මේ දුක හොඳට දැකලා තියෙනවා. මම ගිය සමහර ගෙවල් කඳු උඩ. කාරෙකෙන් බැහැලා පැය භාගයක් කන්ද නගින්න ඕනෑ. ඒ ගෙවල් දැකපුවාමයි වැටහෙන්නේ මේ අහිංසකයෝ මොන දුෂ්කර ක්‍රියාවන් කරලද රාජකීය විද්‍යාලෙට ඇවිත් ඉන්නේ කියලා. තවත් ගෙදරකට හැන්දෑවේ පහෙන් පස්සේ යන්ඩ බෑ. පාරේ වල් අලි. මේ මිනිස්සු තවත් බිත්තියට තියලා හිර කරන්ඩ නෙමේ තියෙන්නේ - යන එන හැම වතාවකම ගමන් වියදම් දෙන එක!

මම මුල ඉඳල දැක්ක එක තමයි ඔබතුමා රාජකීය විද්‍යාලෙ ගැන මොන ඉට්ගෙඩියක්වත් දන්නේ නෑ කියන එක. ප්‍රයිමරි එකේ සමහර Teachersලා ලක්ෂ ගනන් handbag වල, බැංකු account වල දාගන්න එක අපිටයි ඔබතුමාට කියල දෙන්ඩ වුනේ. SDS එකේ මිලියන් ගනන් හොරා කාපු එක අපිටයි පෙන්නන්ඩ වුනේ. ආදි ශිෂ්‍ය සංගමයේ වාර්තාගත හොරකම අපිටයි කියල දෙන්ඩ වුනේ. ඒ විදියටම දැන් Hostel එක ගැනත් කියල දෙන්නම්.

මට ලැබුනු වාර්තාවලට අනුව මේ මොහොතේ Hostel Account එකේ excess cash ලක්ෂ 40 ආසන්න මුදලක් තියෙනවා. එතැනින් ලක්ෂ 12 ගෙවන්ඩ තියෙනවා තමයි - ගත්ත බඩු වලට. හැබැයි ලක්ෂ 17 මුදලක් ලැබෙන්ඩත් තියෙනවා. ඒ කියන්නේ ලක්ෂ 45 ඉතිරියක් මේ මෙහොතේත් අතේ තියෙනවා. එහෙනම් දෙයියනේ අහවල් මගුලකටද මේ අහිංසකයෝ පාගන්නේ, තලන්නේ, පෙලන්නේ?

මේවා බලු වැඩ කීවොත් බල්ලන්ටත් අගෞරවයක්. මේ නින්දිත වැඩේ අදම නවත්වන්න. ගත්ත සල්ලි ඔබතුමා ගේ අළුගෝසුවා අතින්ම ආපහු දීලා දාන්ඩ.

හරියට පාලකයෙක් හොයා ගන්ඩ බැරිනම් රාජකීය විද්‍යාලයේ නාමයෙන් Hostel එක වහල දාන්ඩ. ඒක නම්බුයි!