මෑතකදී පැවැත්වූ ප්‍රවෘත්ති සාකච්චාවකදි ලංකා ගුරු සංගමයේ ලේකම් ජොසප් ස්ටාලින් මහතා රාජකීය විද්‍යාලයේ පාසල් සංවර්ධන සමිතියේ සිදුවී ඇති දැවැන්ත මූල්‍ය වංචාවක් ගැන විශේෂ හෙලිදරවුවක් කරනු ලැබුවා. මෙහිදී රුපියල් 3,342,076.55 ක මුදලක් අතුරුදහන් වීමක් ගැන සහ පාසැලේ අත්‍යවශ්‍ය වියදම් රැසක් තිබියදී රුපියල් මිලියන සියයකට අධික මුදලක් බැංකුවේ ස්ථාවර තැන්පතුවල තැන්පත් කර ඇති බව හෙලිදරවු කරන ලදී
මේ සම්බන්ධව කරුණු පැහැදිලි කිරීමට රාජකීය විද්‍යාලයට මැතකදී පත්වීම් ලද අතුල විජේවර්ධන මහතා දුරකථනයෙන් ජොසප් ස්ටාලින් මහතා හා සම්බන්ධ වුවා
මෙහිදී අදහස් දැක්වූ රාජකීය විදුහල්පති...
රාජකීය විද්‍යාලයේ වාහන විස්සකට අධික ගනනක් ඇති බවත් ඒ සඳහා රජයෙන් ලබාදී ඇත්තේ එක් රියදුරෙකු පමණක් බවත් ඉතිරි රියදුරන් සඳහා පාසලෙන් වැටුප්, දීමනා සහ අර්ථසාදක මුදල්ද ගෙවන බවත් දැනට පාසැලේ අත්‍යවශ්‍ය නඩත්තු කිරීම් සඳහා රුපියල් බිලියන දෙකකට අධික මුදලක් අවශ්‍ය බවත් දැණුම් දෙනලදී
දැනට පාසල පවත්වාගෙන යන්නේ ණයට ලබාගත් මුදල් වලින් බවද තව දුරටත් සඳහන් කරන ලදී
මෙම කරුණු සම්බන්ධව රාජකීය විදුහල්පති අතුල විජේවර්ධන මහතාගෙන් අපට අසන්නට ඇත්තේ...
දැනට ප්‍රසිද්ධ කර ඇති පාසල් සංවර්ධන සමිතියේ විගණනය කල ගිණුම් වාර්ථාවල සහ අයවැය ගිණුම් වාර්ථාවල මේ සම්භන්ධව සඳහන් කර ඇත්තේ කොතැනකද යන බව අපට පෙන්වා දෙන මෙන්ය
එමෙන්ම රුපියල් බිලියන දෙකේ වියදම් අද ඊයේ ඇති වූ දෙයක් නොවන හෙයින් නව විදුහල්පති තුමාට කිසිවක් අප නොකියන බවත් මේ දේ ගැන මෙතෙක් පාලනය කල ආදී ශිෂ්‍ය සංගම් මෙන්ම පාසල් සංවර්ධන සමිති මඩුල්ලෙන් අප අසා සිටින්නේ මේ සම්බන්ධව ඔබතුමන්ලා මෙතෙක් කර ඇත්තේ කුමක්ද යන්නයි
හැමදාම නැති බණ කියමින් හිඟන්නාගේ තුවාලය මෙන් මෙයම කිය කියා දෙමාපියන්ගෙන් නීත්‍යාණුකූල නොවන අයුරින් මුදල් එකතු කරමින් අක්‍රමිකතාවල යෙදෙන නිලධාරීන්ට කීමට ඇත්තේ නටන්නට බැරි එකාට පොලොව ඇදයි මෙන් නොසිට එක්කො ඔබට කල හැකි දෙයක් කර රාජකීය නාමය රකින ලෙස හෝ රාජකීය නාමය නොකෙලෙසා මෙතැනින් ඉවත්වී කලහැකි අයට මෙය පවරන ලෙසය
නව රාජකීය විදුහල්පති තුමණි. මේ අඩුපාඩු සාදා රාජකීය නාමය සෑම සිසුවෙකුගේම අනාගත සුභසෙත වෙනුවෙන් ඔබ කරන්නට බලාපොරොත්තු වන්නේ කුමක්ද?
මෙම අභියෝගයට ඔබ සූදානම්ද?
ඔබට සියළු ශක්තිය හා ධෛර්යය ලැබෙවායි අප පතමු.
Comments
Post a Comment